Eldur kyknaði í bili

Um sjey tíðina í gjárkvøldið fekk løgreglan fráboðan um, at eldur var í einum bili á Signabø.

Eingin var í bilinum tá eldurin kyknaði, og bilurin stóð tíbetur ikki so nær við nakað hús ella nakran annan bil, at vandi var á ferð.

Hildið verður, at tekniskur feilur var í tendringini, og tí kom eldur í, men eldsbrunin verður kannaður nærri og í vikuni, sum kemur fæst helst at vita, hvør feilurin var.