Eldur kyknaði í glastrevjabáti

Fráboðan kom fyrr í kvøld um eld í glastrevjabáti, sum lá við bátahylin á Støðni á Argjum.

Sløkkiliðið hevði venjing nærhendis, og tí sá tað kanska heldur ógvusligt út, at ein rúgva av neyðsynjarakførum, og enntá stigabilur, við fullum útrykningi koyrdu út eftir Argjavegnum og út á Støðna.

Eingin mansskaði var, og eldurin var skjótt sløktur, sigur vaktleiðarin á løgreglustøðini í kvøld.