Ellemann-Jensen vendir aftur til politikk 1. august

Formaðurin í danska vinstraflokkinum, Jakob Ellemann-Jensen, vendir aftur til politikk eftir sjúkramelding 1. august.

- Samráð við teir læknar og sálarfrøðingar, sum eg tosi við, havi eg gjørt av at venda aftur 1. august, tá nýggja tingárið byrjar, skrivar hann í eini dagføring á Facebook.

Í dagføringini boðar Ellemann frá, at hann ætlar at venda aftur á øllum uppgávum, sum floksformaður í Venstre, verjumálaráðharri og varaforsætisráðharri.

Tað eru júst tríggir mánaðir síðan, at Jakob Ellemann-Jensen varð sjúkrameldaður í ókenda tíð orsaka av strongd.