Ellis- og røktarheimini hittast til jólaguðstænastu í Hoyvík

Síðani Hoyvíkar kirkju varð vígd og tikin í nýtslu, hevur verið siður, at bjóða ellis- og røktarheinunum í Tórshavnar kommunu til jólaguðstænastu. Tað verður eisni gjørt í ár.

Hesa ferð verður guðstænastan mánadagin 8. desember kl. 14. Prestarnir í Hoyvík plaga at prædika.

Børn úr Frítíðarskúlanum ganga lusiagongu, og eftir guðstænastuna bjóðar kirkjuráðið í Hoyvík ein góðan drekkamunn.

- Sum kirkja gleðast vit um at vera ein virkin partur av samfelagnum rundan um okkum og geva tað aftur, ið vit kunnu, verður sagt úr Hoyvík.