Elsa Berg klárar seg best á býráðsvalinum

Fimm kvinnur og átta menn koma at manna býráðið í høvuðsstaðarkommuni sambært nýggju veljarakanningini, sum Spyr.fo gjørdi fyri Blaðið Vikuskifti hósdagin.

Sostatt missa kvinnurnar meirilutan í Tórshavnar býráði. Á seinasta býráðvali í Havn vórðu valdir seks menn og sjey kvinnur.

Elsa verður toppskorari
Veljarakanningin vísir rættiliga greitt, at øll tey trý umboðini, sum Tjóðveldi fær inn í Tórshavnar býráð, verða kvinnur. Elsa Berg, stendur aftur til at gerast fyrstvald á tjóðveldislistanum í ár, og sambært kanningini verður hon eisini toppskorari á valinum.

Hon stendur til at fáa meira enn triðingin av atkvøðunum á tjóðveldislistanum.

Hinar, sum standa til at verða valdar eru Hildur Eyðunsdóttir og Annita á Fríðriksmørk, men tað er ikki so langt niður til tær næstu, sum eru Heidi Lava Elgeirsdóttir og Anja Maria Hammer Weyhe.

Síggj alla veljarakanningina og øll tølini ókeypis í Blaðnum Vikuskifti her