Elsti maður í heiminum deyður

Juan Vicente Perez Mora úr Venesuela, sum seinastu árini hevur verið heimsins elsti maður, andaðist í gjár, 114 ára gamal, upplýsa familjan og embætisfólk sambært Ritzau.

Tað var 4. februar í 2022, at Guinness World Records váttaði, at Juan Vicente Perez Mora var heimsins elsti núlivandi maður. Tá var hann 112 ár og 253 dagar.

Í 2022 hevði hann 11 børn, 41 abbabørn, 18 langabbabørn, og 12 oldurabbabørn.

Juan Vicente Perez Mora varð føddur 27. mai 1909 í býnum El Cobre í statinum Táchira. Hann var níggjunda av tíggju systkjum og arbeiddi innan landbúnað. Longu sum fimm ára gamal byrjaði hann at hjálpa pápa sín og brøður sínar við arbeiðnum.