Endaði í bilverjuni

Seinnapartin í gjár, stutt eftir klokkan 16, hendi eitt ferðsluóhapp beint uttanfyri Lopra.

Talan var um eitt sonevnt soloóhapp, har ein bilur endaði í bilverjuni.

Har var nakað av skrokkskaða, men sum skilst var eingin fólkaskaði. Bilførarin varð tó koyrdur á sjúkrahúsið til kanningar, sigur vaktleiðarin á løgreglustøðini í Havn.

Lagt verður afturat, at har var nógvur vindur, og kann tað hugsast, at tað spældi ein leiklut.