Endarnir vóru ikki kappaðir

Í gjáranáttina fekk løgreglan í Havn fráboðan um, at onkur hevði loyst endarnar á einum línuskipi, sum lá við Vestaru Bryggju í Havn.

Skipið var farið nakað út frá bryggjuni, tá hetta var uppdagað og fráboðað løgregluni. Vandi var ongantíð á ferð.

Vaktleiðarin á løgreglustøðini upplýsir í morgun, at tey hava kanna málið gjølla, men hava valt at sleppa tí aftur.

- Vit hava staðfest, at endanir vórðu ikki kappaðir. Vit hava eisini gjøgnumgingið vakmyndatól á staðnum, og kunnu ikki síggja nakað prógv fyri, at onkur hevur loyst endarnar. Tí gera vit ikki meira við tað, sigur vaktleiðarin.