Endin á Assad-stýrinum: Forsetin í Sýria rýmdur úr landinum

Sýriskir upreistrarbólkar boða í morgun frá, at stjórnin hjá Bashar al-Assad forseta er fallin.

Bashar al-Assad gjørdist forserti í 2000 eftir pápa hansara, Hafez al-Assad, sum hevði verið forseti síðan 1971.

Tað hevur gingið skjótt hjá uppreistrarbólkunum. Framferð teirra byrjaði síðst í november, har teir m.a. tóku ræði á býunum Aleppo og Hama. Fríggjadagin tóku teir m.a. býin Homs, áðrenn kósin varð sett móti høvuðsstaðnum Damaskus. Í nátt boðaðu teir frá, at teir høvdu tikið Damaskus, skrivar Ritzau.

Tað er islamiska rørslan Hayat Tahrir al-Sham (HTS), sum stendur á odda fyri uppreistrinum. HTS hevur verið flokkaður sum yvirgangsfelagsskapur av m.a. ST og USA.

Boðað er frá, at Assad er rýmdur úr Sýria umvegis altjóða floghavnina í Damaskus, men hvar hann er farin er ógreitt, men møguliga kann hann vera farin til Russlands ella Iran, skrivar CNN.