Ingi Samuelsen
Enn ein kvinna hevur sett seg á listan yvir demokratar, ið ynskja at stilla upp móti Donalt Trump, tá forsetaval verður aftur í USA í november næsta ár.
Tað er senaroturin úr Minnesota, Amy Klobuchar, sum í gjárkvøldið boðaði frá, at hon er við í ”kappingini”.
58 ára gamla Amy Klobuchar er fyrrverandi almennur ákæri, og gjørdi vart við seg undir hoyringunum av eitt nú Brett Kavanaugh, tá hann skuldi tilnevnast til hægstarættardómara.
Nú hava ikki færri enn fimm kvinnur bjóðað seg fram í stríðnum at gerast demokratiskt forsetavalevni. Hinar eru Elizabeth Warren, Kamala Harris, Tulsi Gabbard og Kirsten Gillibrand.
Les eisini: Elizabeth Warren bjóðar seg fram sum forsetavalevni
Og viðmerkingin hjá sitandi forsetanum til fráboðanina hjá Amy Klobuchar: Hann gjørdi gjøldur burtur úr, at tað kavaði tá hon kom við fráboðanini, hóast hon sigur seg vilja stríðast fyri veðurlagsbroytingunum:
Well, it happened again. Amy Klobuchar announced that she is running for President, talking proudly of fighting global warming while standing in a virtual blizzard of snow, ice and freezing temperatures. Bad timing. By the end of her speech she looked like a Snowman(woman)!
— Donald J. Trump (@realDonaldTrump) 10. februar 2019
Vinarliga broyt tínar kennifíla - og privatlívsstillingar fyri at síggja hetta innihald