Enn ein grønur vøllur frá Føroya Møblasølu

Eisini á Dungasandi verður framúr góða og FIFA-góðkenda graslíkið lagt á vøllin.

Á Dungasandi hava tey eisini valt væl umtóktu tundurfylluna til nýggja vøllin. Tundur er umhvørvisvinarligt og er eisini betur fyri tey, sum íðka á vøllinum, enn gummifyllan.

Arbeiðið at leggja nýtt graslíki á byrjaði í gjár og fyrrapartin í dag var longu stórur partur av vøllinum grønur.

(Mynd: Føroya Møblasøla)

Gongur alt væl og veðrið heldur sær, so verður arbeiðið at leggja nýggja graslíkið á liðugt longu í næstu viku.

Tá hesin vøllurin er handaður, eru nærum allir vøllir á Vágoynni skiftir út og eru teir allir uttan gummi.