Enn ein lastbilur við smugglaðum fólkum í lastini

Løgreglan í Kent í útsynningspartinum av Onglandi støðgaði seinnapartin í gjár einum lastbili við nýggju fólkum í lastini, skrivar Sky News.

Bilurin varð funnin á M20-motorvegnum. Bilurin var støðgaður við býin Ashford, stutt frá munnanum á tunnlinum, sum gongur millum Ongland og Frakland.

Lastbilurin varð støðgaður bert fáar tímar eftir, at bretsku myndugleikarnir funnu ein annan lastbil við 39 deyðum fólkum umborð. Lastbilurin var á veg móti London, tá hann varð støðgaður.

Les eisini: Funnu 39 lík í lastbili nærhendis London 

Løgreglan í Essex, har bilurin við 39 líkum varð funnin í gjár, hevur skrivað soleiðis á Twitter í gjár.

- Mannasmugling er ræðuligt og vandamikið brotsverk. Her er nógv, ið skal kannast.

Lastbilurin er nú fluttur av staðnum, men líkini eru framvegis umborð. Í gjárkvøldið arbeiddu tey framvegis við at eyðmerkja tey deyðu.

25 ára gamli bilførarin, sum koyrdi lastbilin, er handtikin. Hann er úr Norðurírlandi, og er skuldsettur fyri dráp.