Enn ein maður fongslaður eftir skottilburðin

Tað er ikki bert tann 35 ára gamli miðvingurin, sum varð raktur av kúlum frá einum løgreglupistóli, sum er ákærdur í sambandi við skottilburðin í Miðvági mánakvøldið.

Løgreglan boðar nú frá, at ein 39 ára gamal maður eisini er fongslaður.

Viðkomandi er skuldsettur fyri ”forsøg på vold og trussel” móti átaksleiðaranum hjá løgregluni í sambandi við tilburðin.

Hesum boðar ákæruvaldið frá á Twitter.