Ingi Samuelsen
Ein nýggjur skjálvti, máldur til 7,7 á Richter skalanum, rakti fyrrapartin Turkaland.
Tað upplýsir jarðskjálvtafrøðiligi stovnurin fyri Evropa og Miðjarðarhavið, EMSC, fyri Reuters.
Sjálvtin var 67 kilometrar í ein landnyðring úr býnum Kahramanmaras, sum eisini liggur í sunnara parti av Turkalandi, sum varð raktur av fleiri ógvusligum skjálvtum í nátt.
Nýggjastu tølini fyri fólk, ið doyðu orsaka av ristingunum í nátt og morgun, eru komin upp á 1300. Fólk eru deyð bæði í Turkalandi og í grannalandinum Sýria.
Talan er sostatt um ógvusligastu náttúruvanlukkuna, ið hevur rakt økið síðan 1939. Tað staðfesti landsins forseti, Recep Tayyip Erdogan, í morgun, sambært Reuters.
Fyri 84 árum síðani var ein jarðskjálvti nærhendis býin Erzincan orsøk til at 32.700 fólk lótu lív.
Vinarliga broyt tínar kennifíla - og privatlívsstillingar fyri at síggja hetta innihald