Enn eitt álop á russiskt øki

Tíðliga í morgun framdi Ukraina enn eitt dronuálop á russiskt øki.

Ein ómannað drona rakti ein bygning í Trubchevsky-økinum í russiska landslutinum Bryansk, sum liggur á markinum til Ukraina.

Talan var um eina løgreglustøð, sigur Alexander Bogomaz, guvernørur. Eingin fólkaskaði var, men tekja og vindeygu fingu skaða, sigur hann sambært The Moscow Times.

Seinastu vikuna hava trý dronuálop verið framt á Moskva, seinast í gjár. Sambært lokalu myndugleikunum er tað Ukraina, sum stendur aftanfyri, men Ukraina hevur ikki tikið ábyrgd fyri álopini.