Enn eitt svenskt skip í FAS

Svenska Thunbolaget hevur aftur valt at skráseta ein nýbygning í føroysku altjóða skipaskrásetingina FAS.

Talan er um plug-in hybrid farmaskipið “Spiken”, sum er 2.926 BT til støddar. Hetta er sama slag av skipi sum Lidan, sum varð skrásett í FAS 30. september í ár.

Hybrid-skipanin er eitt battarí, sum minkar um brúkið av hjálpimotorum, og minkar munandi um útlátið. Hybrid-skipanin ger tað eisini møguligt at minka munandi um larm, tá skipið liggur við bryggju.

Spiken lastar 5.100 DWT.