Erdogan: Tíðin er komin til ítøkilig úrslit

Turkiski forsetin, Recep Erdogan, sum er vertur fyri friðarsamráðingum millum Russland og Ukraina í Istanbul, segði við semingsmenninar í dag, at framstig í hesum samráðingunum kunnu slóða fyri einum toppfundi millum Vladimir Putin og Volodymyr Zelenskyj, forsetar í ávikavíst Russlandi og Ukraina.

– Tíðin er komin til samráðingar, sum skapa ítøkilig úrslit. Tað er upp til báðar síður at steðga hesum sorgarleikinum, segði hann sambært Ritzau.

Fyrr í vikuni segði Erdogan, at Russland og Ukraina hava fingið semju um fýra av seks punktum í samráðingunum. Tað snýr seg m.a. um, at Ukraina ikki fer uppí Nato, og russiskt mál í Ukraina.

Keldur tætt við samráðingunum siga, at Russland ikki longur krevur eina "avnasifisering" av Ukraina, og Russland fer møguliga eisini at góðtaka, at Ukraina gerst partur av ES, so leingi talan ikki verður um hernaðarligt samstarv.