Erla Kongsdóttir hevur tekniskar trupulleikar

Nýggjasta farið hjá Strandfaraskipum Landsins, Erla Kongsdóttir, liggur svínabundin á Klaksvík við tekniskum trupulleikum í løtuni.

Í gjár varð Erla Kongsdóttir sett inn í siglingina millum Klaksvík og Syðradal, tí 47 ára gamli Sam skuldi á beding í tvær vikur.

Í morgun er Tjørnunes sett í siglingina um Kalsoyarfjørð.

Um middagsleitið í dag siglir Ternan ein farmatúr millum Klaksvík og Syðradal. Meðan Ternan verður tikin úr siglingini til Nólsoyar, var ætlanin at Erla Kongsdóttir skuldi gera ein túr millum Havnina og Nólsoy, men tann túrurin verður av ongum í dag, upplýsir Strandferðslan á heimasíðuni.