ES í samráðingum um stórt keyp av vaksinu

ES hevur fullført innleiðandi samráðingarnar við týsku lívtøknisfyritøkuna CureVac, um at keypa 225 milliónir skamtar av einari møguligari koronu vaksinu, ið fyritøkan er í ferð við, at framleiða.

Tað boðar heilsu kommisserurin í ES, Stella Kyriakides frá, sambært tíðindastovuni Reuters.

ES og CureVac skulu nú samráðast um, at tryggja veiting av vaksinuni til øll 27 ES londini, um vaksinan vísir seg at virka.