Ingi Samuelsen
Nevndin fyri heilsutrygd hjá ES skal hittast til skundfund fyri at viðgera covid-19 støðuna í Kina. Hetta hendir eftir áheitan frá heilsunevndini hjá samveldinum.
Nevndin fyri heilsutrygd, ið er mannað av embætisfólkum í heilsumálaráðunum hjá teimum 27 ES-londunum, skal kjakast um og samskipa hvat ES-londini skulu gera, nú Kina hevur slept sínar koronaavmarkingar, og ein nýggj bylgja av covid-19 tilburðum nú herjar landið. Hetta skrivar Reuters-tíðindastovan.
- Heilsutrygdarnevndin hjá ES hittist fyri at tosa um covid-19-støðuna í Kina og møgulga fyri at samskipa tiltøk, skrivar heilsustýrið hjá ES-nevndini á Twitter.
Fundurin verður væntandi hildin í morgin, skrivar Reuters.
Fleiri lond, eitt nú USA, hava longu sett krøv um koronatest fyri kinesarar, sum koma til londini.
Vinarliga broyt tínar kennifíla - og privatlívsstillingar fyri at síggja hetta innihald