Eydnaðist ikki at finna dronuførara

Tá grindin í Hvannasundi í gjárkvøldið varð fingin upp á keiina, har skerast skuldi upp, fekk løgreglan fráboðan um, at ein drona var at síggja yvir økinum.

Løgreglan sendi fólk norð at kanna, men tá komið varð á staðið, var dronan ikki longur at síggja, og eingin visti hvør átti hana.

Tað er ikki loyvt at flúgva dronu í bygdum øki, men vaktleiðarin á løgreglustøðini í morgun sigur, at tað ikki ber til at siga um talan er um útlendskan ella føroyskan dronuførara.

Les eisini: Eitt gott skinn í part