Eyðun Húsgarð nýggjur leiðari í Svimjihøllini í Gundadali

Týsdagin setti Tórshavnar kommuna Eyðun Húsgarð í starv sum leiðara fyri Svimjihøllina í Gundadali.

Tað skrivar kommunan á heimasíðuna.

Um Eyðun Húsgarð verður sagt, at hann hevur drúgvar leiðsluroyndir úr vinnulívinum, og hevur hann eisini verið varaleiðari í Svimjihøllini eitt tíðarskeið umframt arbeitt sum lívbjargari.

Eyðun er eisini kendur í felagsumhvørvinum bæðí í Havnar Svimjifelag og Svimjisambandi Føroya.

Svimjihøllin í Gundadali, sum hevur uml. 160.000 vitjandi árliga, verður í løtuni bygd út við langhyli og vælveruøki.