Eysturkommuna skal hava nýggjan borgarstjóra

Jóhan Christiansen, borgarstjóri í Eysturkommunu, stillar ikki upp aftur á kommunuvalinum í heyst.

Orsøkin er, at hann ynskir at royna aðrar leiðir, sigur hann við Útvarpið.

Jóhan Christiansen hevur verið borgarstjóri í Eysturkommunu, síðan Leirvíkar kommuna og Gøtu kommuna vórðu lagdar saman í 2009. Áðrenn tað hevði hann verið í bygdaráðnum í Leirvík í fýra ár.