Fáa enn fráboðanir um "Golden Maps"

Fyri nærum tveimum vikum síðani bórust tíðindini um, at ein myndamappa við nakinmyndum av føroyskum kvinnum, sonevndu "Golden Maps", aftur var í umfer á netinum, og løgreglan sigur, at tey enn fáa fráboðanir frá kvinnum, sum eru í mappunum.

– Vit fáa fleiri fráboðanir hvønn dag. Talan er ikki um tíggjutals fráboðanir, men vit fáa nakrar fáar, sigur vaktleiðarin á politistøðini í Havn.

Løgreglan hevur fleiri ferðir seinastu tíðina gjørt vart við, at tað er ólógligt at deila nakinmyndir av fólki uttan samtykki, og kann tað geva fongsulsrevsing.

Les eisini: Løgreglan: Lat vera við at deila myndir uttan samtykki