2022-01-23 09:55
Nógvur vindur hevur verið hetta vikuskiftið, men kortini hevur løgreglan ikki fingið so nógvar fráboðanir um vindskaðar.
Av politistøðini verður sagt, at tey onga fráboðanir hava fingið í nátt, men fýra komu tó seinnapartin í gjár úr Leirvík og Klaksvík. Tað var millum klokkan trý og sjey.
Tríggjar av fráboðanunum snúðu seg um tekjur, sum vóru loysnaðar og um at fara í vindinum, og tann fjórða snúði seg um ein politibil, har okkurt var fokið inn í rútin og hevði brotið hann.
Vinarliga broyt tínar kennifíla - og privatlívsstillingar fyri at síggja hetta innihald