Facebook niðri í stórum parti av heiminum

Í dag verður boðað frá, at trupulleikar eru við sosialu miðlunum Facebook, Instagram og WhatsApp í stórum parti av heiminum.

Tað vísa fleiri heimasíður, m.a. Downdetector.

Allir sosialir miðlar, sum Facebook eigur, hava havt trupulleikar síðan klokkan 11 fyrrapartin.

Fleiri túsund fólk hava gramt seg um hetta í m.a. Danmark, Marokko, Ukraina, Filipsoyggjunum, Egyptalandi, Kanada og í Grikkalandi.

Enn er ikki greitt, hvat orsøkin er til hetta.