Fámjinsvegurin stongdur - maskina steðgað upp

Tey sum ætla sær úr Fámjin ella til bygdina fyrrapartin mugu brynja seg við toli. Løgreglan boðar júst nú frá, at ein maskina hjá Landsverki sum hevur ruddað kava á Fámjinsvegnum, er steðgað upp.

Maskinan sperrar vegin, og hann er tískil stongdur, sigur vaktleiðarin á løgreglustøðini.

Eingin tíðarmeting er um, nær maskinan fæst í gongd aftur ella nær hon kann flytast av staðnum.

Sum skilst stendur maskinan nærhendis portalin í nýggja tunlinum fámjinsmegin.