Fann dynamitt í gomlum húsi

Hóast løgreglan í stóran mun hevur verið upptikin av fullum fólki og harðskapsmálum á ólavsøku, er eisini annað at gera.

Ein maður ringdi í gjár til løgregluna og boðaði frá, at hann var komin fram á nakrar dynamittstengur. Hetta var í sambandi við, at hann umvældi eini eldri hús.

Upplýsingarnir og myndir eru sendar til Danmarkar, og síðani skulu danskir serfrøðingar í samráð við Arktisk Kommando finna útav hvat víðari skal gerast.