Fara at rudda vinnu- og havnaøkini á Oyrareingjum og Langasandi

Vinnu- og havnaøkini á Oyrareingjum og á Langasandi í Kollafirði verða nú ruddað, og í hesum sambandi heitir Tórshavnar Havn á øll, sum eiga lutir ella órudd á økjunum, um at beina tilfarið burtur av plássunum sum skjótast og í seinasta lagi 1. august.

Áheitanin fevnir um øll, sum ikki hava leigusáttmála við Tórshavnar Havn um økið, og øll onnur eiga at rudda burtur alt tilfar, tað veri seg akfør, bingjur, lutir, amboð, útgerð, tilfar, gamalt jarn og annað órudd, skrivar Tórshavnar kommuna.

Er tilfarið ikki burturflutt 1. august, verður tað burturbeint uttan aðra ávaring og fyri eigarans rokning og ábyrgd, skrivar kommunan, sum leggur afturat, at fólk kunnu seta seg í samband við Tórshavnar Havn, um nakað ivamál er í hesum sambandi.