Fara nú at selja campingpláss til Summar Festivalin

Mikukvøldið 4. mars letur sølan av plássum til campingvognar á Summar Festivalinum upp.

Samanlagt er talan um 218 campingpláss, sum verða seld á fimm ymiskum økjum í Klaksvík, boða fyriskiparar handan Summar Festivalin frá seinnapartin.

Sølan er skipað soleiðis, at online-skipanin letur upp mikukvøldið klokkan 19. Tá verða campingpláss á øllum økjum tøk at keypa. Sølan fer fram umvegis heimasíðuna hjá festivalinum.