Fara undir nýggja útstykking í Kaldbak

Byggi- og býarskipanarnevndin í Tórshavnar kommunu samtykti í september í fjør, at umsitingin skuldi arbeiða víðari við at kanna møguleikar fyri útstykking í Kaldbak.

Nú fyriliggur váttan frá Búnaðarstovuni um keyp av lendinum. Talan verður um 5 grundøki uppá umleið 400 fermetra stødd, skrivar Tórshavnar kommuna.

Málið um keyp av lendinum og samsýning til festara kemur fyri á býráðsfundi í kvøld klokkan 18.

Á skránni í kvøld verður m.a. eisini fíggjarætlanin fyri 2020, málið um standmynd av Andreu Árting, og 75 ára hald fyri endan av seinna heimsbardaga.

Fundurin verður stroymdur her.