Felagið Grannalív handaði býráðnum 1000 undirskriftir

Seinnapartin vóru umboð fyri Felagið Grannalív - umboðandi niðara part av Tinghúsvegnum í Havn, Kongagøtu, Tungugøtu og Lucas Debesar gøtu – á vitjan á Ráðhúsinum í Havn.

Endamálið var at handa umleið eitttúsund undirskriftir og eitt mótmæli móti ætlaðu byggingini av parkeringshúsinum við Bøkjarabrekku.

Varaborgarstjórin Annfinn Brekkstein tók ímóti og handaði beinanvegin undirskriftirnar til kommunustjóran. Hoyringsfreistin er úti og málið um broyting av byggisamtyktini kemur fyri á komandi býráðsfundi.