Fer nú at evna listarverk úr Miusa træi

Miusa træ varð felt á vári í 2021. Tá varð avgjørt, at lata partar av trænum til fleiri handverkslistafólk, Verkstaðið Vón fekk ein part av trænum og borgarstjórin fekk eina einstaka grein í varðveitslu.

Træið var stóra reyðbókin, sum stóð omanfyri Kioskina hjá Astu á Vaglinum.

Ein av persóninum, sum fæst við list og sum fekk ein part, er Ole Jakob Nielsen úr Leynum, og Tórshavnar kommuna skrivar á heimasíðu sínari, at hann nú er farin í holt við at gera okkurt burturúr sínum luti.

- Vanligt er, at tílíkt træ skal liggja og turka eina tíð, áðrenn evnað verður burturúr. Um dagarnar hevur dreygarin í Leynum so kutað sundur og gjørt klárt, so nú verður spennandi at síggja, hvat fæst burturúr hesum sera sjáldsama viðinum.

Mynd: torshavn.fo)