Innanlands

Ferðslan í Vágatunnlinum minkaði við 17 prosentum

Flogferðslan hevur als ikki verið sum vanligt, og hetta sæst aftur, skrivar VP. Ferðslan í Norðoyatunnilin var eisini minni samanborið við 2019, men talan var bert um smá tvey prosent. Hetta er fyrstu ferð, at ferðslan er minkandi í undirsjóvartunlunum

Ferðslan til og frá flogvøllin var als ikki á sama støði sum vanligt orsakað av koronu

2021-01-06 12:49

Agnar Prestá

Ferðslan í Vágatunnlinum varð í 2020, sum so mangt annað, ávirkað av koronu. 784.674 akfør koyrdu ígjøgnum í mun til 952.300 árið fyri. Tað er ein ein minking á 17,6 prosent, vísa tøl sum VP hevur fingið fatur á.

At flogferðslan als ikki var tann sama, saman við at fólk í pørtum av árinum hava arbeitt heimanfrá, skúlagongd ikki hevur verið fysisk o.s.fr, er uttan iva størsti parturin av orsøkini.

Ferðslan í Norðoyatunnlinum minkaði eisini: Frá 1.308.519 akførum í 2019 til 1.284.544. Hetta er tó ikki meira enn ein minking á 1,8 prosent.

Ferðslan í Norðoyatunlinum var í fjør 63,7 prosent, meira enn hon var í Vágatunlinum.

Hetta er fyrstu ferð, síðani tunlarnir lótu upp, í ávikavist 2002 og 2006, er ferðslan annars økt á hvørjum ári.

Vinarliga broyt tínar kennifíla - og privatlívsstillingar fyri at síggja hetta innihald