Ferðsluóhapp á Kaldbaksvegnum

Um 20 tíðina fekk løgreglan fráboðan um eitt ferðsluóhapp á Kaldbaksvegnum við Sandvíkarhjalla.

Vakthavandi á løgreglustøðini upplýsir, at tveir bilar hava rent frontalt saman. Fólk hava helst fingið skaða, men enn er óvist hvussu ógvusligt tað er. Løgreglan er á staðnum umframt sjúkrabilar og bilar frá sløkkiliðnum.

Vegurin er í løtuni stongdur, og tað verður hann helst tann næsta tíman, sigur vakthavandi á løgreglustøðini. Tí heitir løgreglan á fólk um at fara eftir Oyggjarvegnum.