Ferðsluóhapp elvdi til streymslit í Klaksvík

Stutt fyri klokkan eitt í nátt var eitt lítið ferðsluóhapp á Heygavegnum í Klaksvík.

Talan var um ein bil, sum koyrdi á eitt SEV-skáp og ein lyktapela, og hetta hevði við sær, at nógv hús í grannalagnum mistu streymin.

Í hesum sambandi var neyðugt at gera umfatandi graviarbeiði fyri at umvæla skaðan, og stutt eftir klokkan fýra var arbeiðið liðugt, og øll høvdu fingið streymin aftur.

Vaktleiðarin á løgreglustøðini í Havn sigur, at bilførarin var ikki ávirkaður. Heldur var tað ósketni og óhepni, sum var orsøkin til óhappið. Eingin fólkaskaði var.