Ferðsluóhapp í Skálafirði

Fyrr í kvøld var eitt ferðsluóhapp í Skálafirði. Av løgreglustøðini í Havn fæst ikki so nógv at vita, men tað verður upplýst, at tveir bilar stoyttu saman, og at trý fólk eru flutt á Landssjúkrahúsið.

Bilarnir gjørdust vrak av stoytinum, og tað tók eina løtu at fáa teir av vegnum.

Ferðslan hevur verið tarnað av hesum og koyrt verður bara í einari breyt, og sum skilst leiðir løgreglan ferðsluna í løtuni.