Filmurin sum setti veðurlagsbroytingarnar á dagsskránna

Tað gingu 12 dagar frá tí, at filmurin hjá sir David Attenborough um veðurlagsbroytingar varð vístur á BBC, til bretsku politikararnir samtyktu undantaksstøðu fyri veðurlagið.

1. mai 2019 samtykti bretska tjóðartingið, sum tað fyrsta í heiminum, at seta veðurlagið í undantaksstøðu.

Avgerðin kom eftir at felagsskapurin Extinction Rebellion hevði mótmælt í fleiri mánaðir og so ein nýggjan heimildarfilm hjá sir David Attenborough.

Filmurin vísti bretunum hvørjar avleiðingarnar av veðurlagsbroytingunum verða, og hetta førdi beinleiðis til, at veðurlagið varð sett á dagsskránna hjá bretsku politikarunum.

Nú hava tey herheima, sum síggja danska TV2, møguleika at síggja filmin ”Climate Change The Facts”, tí danska sjónvarpsstøðin vísir hann í kvøld klokkan 19, føroyska tíð, sum liður í valstríðnum til ES-tingið og fólkatingið.

Og her er tað, at 93 ára gamla sjónvarpslegendan, sir David Attenborough, kemur við sínari álvarsligu ávaring:

- Vit standa fyri stórstu hóttani í fleiri túsund ár: Veðurlagsbroytingunum. Um jørðin hitnar við núverandi ferð, er vandi fyri eini oyðileggjandi framtíð, sigur hann í filminum.

There is still time to hit the emergency brakes on the damage we are doing to our planet. There is still hope.

Climate Change The Facts with Sir David Attenborough. Tonight on BBC One at 9pm.pic.twitter.com/afG5PMezzR

— BBC One (@BBCOne) 18. april 2019

Eftir at filmurin varð vístur á BBC 18. apríl, setti hann veruliga gongd á kjakið á sosialu miðlunum, og brennandi spurningurin hjá teimum flestu var: ”Hvat í víðu verð gera vit við verðina?”

Heimildarfilmurin tosar við fleiri veðurlagsgranskarar um hvat hendir við lívinum á jørð um hitin framhaldandi økist.

Og so vísir filmurin eisini myndir av tí, sum longu hendir.

Harumframt luttekur 16 ára gamla Greta Thunberg úr Svøríki í filminum, og hon mælir til, at okkurt verður gjørt nú.

Meet @GretaThunberg, the Swedish schoolgirl who has inspired an international movement to fight climate change. #ClimateChangeTheFacts pic.twitter.com/A1SyJ1pMfW

— BBC (@BBC) 18. april 2019