Fimm fólk grundlógaravhoyrd í rúsevnismáli

Fimm fólk vóru í gjár handtikin í stórum politiátaki úti í Bakka í Havn.

Løgreglan segði í gjár, at talan er um eitt rúsevnismál, men hevur ikki fleiri viðmerkingar.

Fólkini vórðu handtikin í einum seglbáti uttast í Vágsbotni seinnapartin í gjár. Sambært in.fo er grundlógaravhoyring við kravi um varðhaldsfongsling av fimm fólkum fyrrapartin.

Sambært miðlinum eru tað danir, talan er um, og báturin, tey vóru við, er úr Kolding.