Fimm milliónir rýmd úr Sudan

Síðan apríl hevur ófriður verið í Sudan orsakað av stríðnum millum herin og hálvhernaðarliga bólkin RSF, og í hesum tíðarskeiðnum eru nærum fimm milliónir fólk rýmd úr landinum.

Reyði Krossur upplýsir, sambært DR, at meginparturin av teimum eru rýmd til grannalandið Kjadd.

Hvønn dag koma túsundatals fólk afturat, og 80 prosent av teimum, sum koma yvirum markið eru kvinnur og børn.

ST metir, at uml. 5.000 fólk hava latið lív í stríðnum í Sudan.