Fimm nýggir smittutilburðir í gjár

Talið á persónum, sum eru smittað við koronu í løtuni, er nú komið uppá 42, eftir at fimm nýggir tilburðir vórðu staðfestir í gjár.

Allir tilburðir eru partur av kendari smittuketu, skrivar corona.fo.

Sostatt hava 712 persónar nú fingið staðfest koronu í Føroyum. 669 persónar eru nú staðfestir frískir aftur. Higartil er ein persónur deyður við koronu í Føroyum.

1.332 kanningar vórðu gjørdar seinasta samdøgrið, og allar kanningarnar eru liðugt greinaðar. Tilsamans er nú gjørdar gjørdar 275.493 kanningar í Føroyum.

Í løtuni eru 506 persónar í sóttarhaldi.