Fimm sjúklingar við koronu - tríggir av teimum innlagdir av koronu

Fimm fólk eru nú innløgd í Sjúkrahúsverkinum við koronu. Tað er ein øking upp á trý í mun til í gjár. Tríggir sjúklingar eru innlagdir av koronu meðan tveir av teimum eru innlagdir av aðrari orsøk, men eru staðfestir positivir við koronu.

382 nýggir tilburðir vórðu staðfestir í teimum 4082 koronukanningunum, sum vórðu gjørdar í gjár. Hetta er hægsta talið av staðfestum tilburðum í Føroyum.

Í løtuni eru 1666 aktivir tilburðir - fólk sum í løtuni eru positiv. Tilsamans eru 8312 koronutilburðir staðfestir í Føroyum.