Finland á gáttini til Nato limaskap

Eftir ein dyggan meiriluta fyri Nato limaskapi í Finlandi standa dyrnar til verjufelagsskapin nú víðopnar fyri enn eini norrønari tjóð í risastóra felagsskapinum.

Í dag tók uttanríkisdeildin í turkiska tinginum undir við finska limaskapinum og eftir er nú bert hjá ovasta myndugleikanum at góðkenna finsku umsóknina.

Mánadagin fer ungarnska stjórnin eftir øllum at døma sum tað seinasta Nato landið eisini at taka undir við limaskapinum.

Enn  bíðar so umsóknin frá Svøríki at koma til endaliga viðgerð í Turkalandi og Ungarn. Turkiski forsætisráðharrin hevur gjørt svium greitt, at landið fær bert góðkenning frá Turkalandi, um Svøríki herðir sínar atgerðir móti víðgongdum kurdum eins og endar boykottið av vápnasøluni til Turkaland.

Tað er russiska innrásin í Ukraina, sum er orsøkin til, at tey bæði norðurlondini, Svøríki og Finland hava søkt um Nato limaskap. Svøríki hevur verið uttanveltað land í meira enn 200 ár.