Fjórðu ferð eydnaðist: Bretar á val 12. desember

Bretar skulu á val 12. desember. Tað samtykti Undirhúsið í bretska tinginum í kvøld. 438 vóru fyri 20 ímóti.

Hetta var fórðu ferð at atkvøtt var fyri uppskoti frá forsætisráðharranum Boris Johnson um nýval.

Enn er val tó ikki útskrivað, tí Yvirhúsið í bretska tinginum skal góðkenna uppskotið um val tann 12. desember. Hetta verður seinni í vikuni.

Tað verður ikki væntað, at Yvirhúsið vrakar uppskotið, og tí verður valdysturin skotin í gongd um eina viku ella so, skriva altjóða miðlar.

Mánadagin var freistin fyri Brexit longd soleiðis, at bretar fara úr ES tann 31. januar í 2020.