Fjøruvegurin kann snýta

Tað var ov nógv ferð á hjá trimum bilførarum á Fjøruvegnum í Saltangará og á Glyvrum í nátt.

Vegurin er nýggjur og breiður, men tað er bara loyvt at koyra 50 km/t eftir vegnum.

Løgreglan tók ein bilførara fyri at koyra 81 km/t á vegastrekkinum. Tað gevur klipp í kortið.

Hinir báðir bilførararnar høvdu so mikið nógva ferð, at teir spældu sær av við koyrikortið. Tann eini koyrdi 99 km/t, og fekk koyriforboð. Hin koyrdi 110 km/t og hann fær treytaleysa frádøming av koyrikortinum.

Koyriforboð verður vanliga givið bilførarum, sum bróta ferðslulógina við ávísum kilometratali og sum hava havt koyrikortið í minni enn trý ár.