Flaggdagur fyri veteranar hildin í Føroyum

Móttøkan varð hildin umborð á sjóverjuskipinum, Lauge Koch, sum lá við bryggju í Tórshavn.

Uttanríkis- og fiskimálaráðið og Arktisk Kommando skipaðu í felag fyri móttøkuni, har veteranar og familjur teirra vórðu boðin við.

Herálvur Joensen, aðalstjóri, helt røðu vegna Bárð á Steig Nielsen, landsstýrismann í uttanríkis- og fiskivinnumálum.

Í røðuni vísti hann á týdningin av teimum menniskjum, sum taka ábyrgd og eru til reiðar at virka fyri friði og støðufesti.

Móttøkan var eitt høvi at sýna virðing fyri veteranum og teirra týdningarmikla arbeiði í altjóða tænastu.

Uttanríkis- og fiskimálaráðið