Fleiri bilførarar tiknir

Aftur í nátt var lítið av fólki í býnum, og hevur seinasta náttin tí verið stak friðarlig, sigur løgreglan.

Løgreglan tók tó tveir bilførarar, ið koyrdu ávirkaðir av ávikavíst rúsdrekka og rúsevnum.

Tann fyrri bilførarin, ið var tikin í Havn, hevði eisini mist koyrikortið, og er hann tí, umframt at vera skuldsettur fyri rúsdrekkakoyring, skuldsettur fyri at koyra í frádømingartíðini.

Seinni bilførarin varð tikin í Eysturoynni. Har var ein annar bilførari eisini tikin fyri rúsdrekkakoyring seinnapartin í gjár, leggur vakthavandi á politistøðini afturat.