Fleiri bilførarar tiknir fyri ymisk lógarbrot

Seinasta samdøgrið hevur løgreglan verið úti og kannað ferðsluna, og í hesum sambandi vórðu nakrir bilførarar tiknir fyri ymisk lógarbrot.

Vaktleiðarin á løgreglustøðini í Havn upplýsir, at nakrir bilførarar í Norðurøkinum fingu bót fyri at tosa í handhildnari telefon, meðan teir koyrdu, og eisini var onkur tikin fyri onkran lyktafeil.

Í Havn varð kannað, um bilførarar vóru ávirkaðir av rúsdrekka, og har varð so ein tikin fyri rúsdrekkakoyring.