Fleiri enn 90 tíðaravmarkað størv í fólkaskúlanum

Skúlarnir hava søkt eftir lærarum til 122 størv til komandi skúlaár, og meginparturin eru tíðaravmarkað størv.

Talan er um 92 tíðaravmarkað størv og 30 føst størv, skrivar Skúlablaðið.

Í fjør varð søkt eftir 99 tíðaravmarkaðum størvum og 51 føstum størvum í skúlanum, men tá vóru bara 34 lærarar og skúlaleiðarar, ið vóru í farloyvi, og sostatt vóru 65 fleiri tíðaravmarkað størv enn tað vóru lærarar í farloyvi, skrivar Skúlablaðið.