Fleiri ferðsluóhapp í gjár

Fríggjadagin fekk løgreglan fráboðan um tvey smærri ferðsluóhapp. Talan var í báðum førum um ein bil, sum var farin á glið í hálkuni.

Fyrra óhappið var um klokkan tvey seinnapartin við Fútaklett, meðan tað seinna hendi klokkan níggju um kvøldið omanfyri Æðuvík.

Eingin fólkaskaði var, men í báðum førum var eitt sindur av materiellum skaða, sigur vaktleiðarin á politistøðini.

Beint eftir midnátt fekk løgreglan eisini eina fráboðan um, at onkur hevði rent á ein seyð í Øravík. Bóndin hevur fingið boð um hendingina.

Løgreglan gjørdi eisini nógv burturúr at kanna bilar norðanfyri í nátt, men har var einki at finnast at.

Í nátt fekk løgreglan eisini boð um, at nakrir ungdómar gingu inni í tunlinum millum Leirvík og Gøtu. Tað vísti seg, at hesi ikki høvdu annan møguleika at sleppa heim, og hjálpti løgreglan teimum til hús, verður upplýst av politistøðini.